మొహమాటాన్ని ఎలా వదిలేయాలి!

                            

కళ్ళముందు చాలా అవకాశాలు కనిపిస్తాయి. కానీ స్వతహాగా మొహమాటం వల్ల ఆ అవకాశం కోల్పోవలసివస్తుంది. ఒక పని చేస్తే ఎవరో ఏదో అనుకుంటారని మనస్సులో ఒక విధమైన భయాన్ని కలిగి ఉండడమే మొహమాటం. మొహమాటం ఉన్నవాళ్లు జీవితంలో అభివృద్దిలోకి వెళ్ళలేరు. మరి మొహమాటాన్ని వదిలేయాలంటే, నేను ఈ ప్రశ్నలు వేసుకుంటాను నాతో.

1.    ఈ పని విషయంలో నేను మొహమాటపడితే కోల్పోయేదేమిటి, దాని విలువ ఎంత అని.

2.    ఎవరైనా దాని గురుంచి ప్రశ్నిస్తే  సమాధానాన్ని ముందుగానే ప్రిపేర్ చేసి ఉంచుతాను. ఒక వేళా అడిగితే అదే ఖచ్చితంగా, గట్టిగా చెబుతాను.

ఈ మొహమాటం వల్ల మనం పొందవలసిన అవకాశాలను  ఇతరులు దోచుకుపోతారు. మొహమాటం అంటే ఎవరైనా సహాయం చేయమని అడిగితే ఆ సమయంలో నీకు అత్యవసర పని ఉన్న అది ప్రక్కన పెట్టి వారికి ఆ పని చేస్తానని చెప్పడం కూడా.

అదే వద్దు. చాల సందర్బాలలో నో చెప్పడం కూడా అలవాటు చేసుకోవాలి లేదంటే భగవంతుడు మనకిచ్చిన అవకాశాలను, సమయాన్ని కోల్పోవలసివస్తుంది.

మొహమాటానికి ముఖ్యకారణం భయం, సిగ్గు. ఈ రెండింటిని  మనస్సు నుండి ఎంత త్వర త్వరగా తరిమెస్తే అంత మేలు.